Parkinq çökdü, çox sayda avtomobil zədələndi

Avtosfer portalından verilən məlumata əsasən, ain.az bildirir.

Nyu-Yorkda 15 mərtəbəli parkinqin çökməsi çox sayda avtomobilin zədələnməsinə səbəb olub. 

Avtosfer.az xəbər verir ki, gecə saatlarında parkinqin beşinci mərtəbəsi çöküb və burada olan avtomobillər zədələnib. Hadisə zamanı binada 600-dən çox avtomobil olub. Çökmə gecə saatlarında baş verdiyi üçün heç kim xəsarət almayıb.

İlkin ehtimala görə çökməyə tikilinin armaturlarının korroziyası səbəb olub. Yaşı yarım əsri ötən binada bir neçə gündür təmir işləri görülürdü. 

Qeyd edək ki, Qərb ölkələrində bir neçə ildir ekspertlər parkinqlərlə bağlı həyəcan təbili çalırlar. Onların fikrincə, müasir avtomobillər, xüsusən də elektromobillər çox ağırdır və parklama infrastrukturunun tez sıradan çıxmasına səbəb olur.

Vüqar

Sonrakı hadisələr barədə daha çox məlumat almaq üçün ain.az saytını izləyin.