Misli Premyer Liqasının 8-ci turunda "Sumqayıt"ın qonağı olan debütant "Karvan-Yevlax" 1:4 hesabı ilə məğlub oldu. Yevlax təmsilçisinin start "11-liy"ində yer alan, 78-ci dəqiqədə Kayl Spenslə əvəzlənən yarımmüdafiəçi İbrahim Qədirzadə ilə əlaqə saxlayıb oyun barədə fikirlərini soruşduq.
Onun Fanat.Az-a açıqlaması belə oldu:
"Sumqayit"la oyundan yaxşı nəticə ilə ayrılmaq istəyirdik. Matça yaxşı başlamadıq, erkən qol buraxdıq. Sonradan toparlana bildik və bərabərlik qolunu vurduq. İkinci hissədə rəqibin penaltini dəqiq yerinə yetirməsi ve ardından daha iki dəfə fərqlənməsi vəziyyəti çətinləşdirdi. Təbii ki, qalan vaxtda bu qolların əvəzini çıxmaq çox çətin məsələ idi.
Növbəti oyunumuz "Turan Tovuz"ladır. Bu qarşılaşmaya da hər oyuna olduğu kimi, xal və xallar üçün çıxacağıq. Evde oynamamağımız bizə əlavə problemlər yaradır. Azarkeşsiz oynamaq çətindir. Hər oyunda Şamaxıya gəlmək azarkeşlərimiz üçün də asan deyil. Yevlaxda oynasaydıq, nəticələr başqa olardı. Amma bu, bizdən asılı olan məsələ deyil. Çalışacağıq ki, yaxşı nəticə qazanıb azarkeşlərimizi sevindirək".
Nihat
