İspaniya və Argentina yiğmaları arasındakı Finalissima Qətərdəki “Lusail” stadionunda keçirilə bilər.
Yeniavaz.com xəbər verir ki, bu barədə “Marca” nəşri məlumat yayıb.
Nəşrin bildirdiyinə görə, qarşılaşma martın 28-nə planlaşdırılıb.
FİFA Prezidenti Canni İnfantinonun əsas iqamətgahının Qətərin paytaxtında yerləşməsi də “Lusail” stadionunun namizədliyini ön plana çıxarır.
Qeyd edək ki, Finalissima Avropa Çempionatı və Amerika Kubokunun qalibləri arasında keçirilən tək matçdan ibarət bir oyundur.
