.webp)
Qana millisinin futbol üzrə 2026-cı il dünya çempionatının final mərhələsinə vəsiqə qazanması rəsmiləşib.
Publika.az xəbər verir ki, Afrika zonası üzrə seçmə mərhələdə Qana Komor adaları yığmasını 1:0 hesabı ilə məğlub edib. Yeganə qola 47-ci dəqiqədə Məhəmməd Kudus imza atıb.
“Qara ulduzlar” 25 xalla I qrupunu lideri kimi başa vuraraq tarixdə beşinci dəfə mundialda iştirak hüququ əldə ediblər.
Qeyd edək ki, ABŞ, Kanada və Meksikada keçiriləcək 2026-cı il dünya çempionatında iştirak edəcək 48 komandadan 21-i artıq müəyyənləşib.
