“Baskoniya” basketbol klubunun prezidenti Hosen Kereheta Avroliqanın adi mövsümündə “Panatinaikos”la oyunda qeyri-adi insidentə səbəb olub.
Publika.az xəbər verir ki, “Gazzetta.gr”ın rəsmi matç hesabatına istinadən verdiyi məlumata görə, hakimlər fasilə zamanı Kerehetanın hərəkətləri səbəbindən paltardəyişmə otağına daxil ola bilməyiblər.
Bildirilir ki, “Baskoniya” prezidenti paltardəyişmə otağının girişində dayanıb və hakimlərin içəri girməsinə mane olub, onlar bunun səbəbini anlamağa çalışarkən gərginlik yaranıb.
Bir neçə dəqiqə sonra prezident inadından əl çəkib və hakimlər otağa daxil ola bilib.
