Dünya çempionatı–2026-nın seçmə mərhələsinin 7-ci turu çərçivəsində keçirilən Qazaxıstan – Liextenşteyn oyunu başa çatıb.
90deqiqe.Az-ın məlumatına görə, qarşılaşma Astananın “Astana Arena” stadionunda baş tutub. Meydan sahibləri darmadağınlı qələbə qazanıblar — 4:0.
Oyunun 26-cı dəqiqəsində Qazaxıstan millisinin hücumçusu Qalımcan Kənjəbek hesabı açıb. Cəmi iki dəqiqə sonra, 28-ci dəqiqədə Baxtiyor Zaynutdinov fərqi artırıb. 59-cu dəqiqədə Kənjəbek dubla imza atıb. 81-ci dəqiqədə isə müdafiəçi Alibek Kasım komandasının dördüncü qolunu vurub.
Bu nəticədən sonra Qazaxıstan yığması J qrupunda keçirdiyi altı oyundan sonra 6 xalla 4-cü yerdə qərarlaşıb. Liextenşteyn isə xal toplaya bilməyib və 5-ci pillədə yer alır. Qrupun lideri 5 oyunda 11 xal toplayan Şimali Makedoniya millisidir.
