BBC News Azərbaycanca Xidmətinin hazırladığı xəbərləri, təhlilləri və videoları birbaşa WhatsApp Kanalımızda izləyin. Qoşulmaq üçün linkə klikləyin.
Amerika Birləşmiş Ştatlar Prezidenti Donald Tramp 2025-ci ilin Nobel Sülh Mükafatını ala bilmədi.
Nobel Sülh Komitəsi oktyabrın 10-da Venesuela müxalifətinin lideri Maria Korina Maçadonu bu mükafata layiq görüb.
Tramp hələ bu ilin fevralında bildirmişdi ki, o Sülh Mükafatına layiq olsa da, ona bu mükafatı verməyəcəklər.
Ağ Ev rəhbəri sentyabrın 30-da verdiyi açıqlamada isə demişdi ki, əgər mükafat başqasına verilərsə bu onun ölkəsi üçün "böyük təhqir" olacaq.
Avqustun 8-də Vaşinqtonda amerikalı həmkarı ilə görüşən Azərbaycan Prezidenti İlham Əliyev də Donald Trampın Nobel Sülh mükafatına layiq olduğunu qeyd etmişdi.
Hətta Azərbaycan Prezidenti bu mükafatın Trampa verilməsi məqsədilə Ermənistan Baş naziri Nikol Paşinyanla birgə müraciət göndərməyi təklif etmişdi.
Paşinyan Əliyevin təklifini qəbul etsə də, sonradan tərəflər bu müraicətlə bağlı hər hansı açıqlama verməyiblər.
Nobel Komitəsi isə Trampın bu mükafata layiq görülməməsini belə izah edib: "Təşkilat qərarlarını yalnız Alfred Nobelin işi və vəsiyyəti əsasında verir, hər hansı ictimai kampaniya əsasında deyil".
Videoya YouTube kanalımızda baxın.
