Duşda üzünüzü yuyursunuzsa...

Dərinin təmiz qalması üçün duşda üz yumaq sizə məntiqli görünə bilər. Amma dermatoloqlar isti su və uzunmüddətli duş seanslarının dərinizə düşündüyünüzdən daha çox zərər verə biləcəyini qeyd edirlər.

İsti su dərinin qoruyucu qatını zəiflədir

Pravda.az bildirir ki, duş zamanı çox isti su dərinin təbii yağ balansını pozur və quruluğa səbəb olur. Bu vəziyyət həssas dərilərdə qızartı və qaşıntı yarada bilər.

Sızanağın səbəbi yalnız duş deyil

Sızanaq yaranmasında hormonlar, stres, düzgün seçilməmiş kosmetik məhsullar və qidalanma kimi amillər rol oynayır. Buna görə, üzünüzü duşda yumaq tək səbəb sayılmır.

Düzgün üsul nədir?

Mütəxəssislər tövsiyə edir ki, üzünüzü çox isti deyil, ılıq su ilə yuyasınız. Həmçinin, hər gün səhər və axşam olmaqla gündə iki dəfə üzü təmizləmək dərinin sağlam qalmasına kömək edir. Axşam saatlarında yumaq xüsusilə vacibdir, çünki gün ərzində toplanan kir, makiyaj və çirklərdən dərini təmizləmək lazımdır.

Əminə Bayramova