Dünyanın ən böyük bank və maliyyə xidmətləri institutlarından biri, dörd qlobal biznes istiqaməti vasitəsilə milyonlarla müştəriyə xidmət göstərən HSBC, 2025-ci ilin dördüncü rübü və 2026-cı il üçün Brent markalı neftin qiymət proqnozunu bir barel üçün 65 dollar səviyyəsində saxladığını açıqlayıb.
Marja.az-ın məlumatına görə, Bank bildirib ki, OECD ölkələrində ehtiyatların artması halında qiymətlər üçün aşağı istiqamətli risklər mövcuddur.
HSBC həmçinin “yalnız Səudiyyə Ərəbistanının real ehtiyat hasilat gücünə malik olduğu” bardə fikirlər ilə qəti şəkildə razı olmadığını vurğulayıb. Maliyyə qurumu Birləşmiş Ərəb Əmirlikləri, İraq və Küveytdə hasilatın artacağını gözləyir.
