"Mançester Siti"nin yarımmüdafiəçisi Savinyo İngiltərə komandasında çıxışını davam etdirəcək.
Fanat.Az xəbər verir ki, açıqlamanı klubun mətbuat xidməti yayıb.
Bildirilib ki, 21 yaşlı yarımmüdafiəçi ilə 2031-ci ilə qədər müddətə yeni müqavilə imzalanıb. Braziliyalının əvvəlki sözləşməsi 2029-cu ilin yayına kimi qüvvədə idi.
Savinyo ötən mövsüm İngiltərə Premyer Liqasında 29 matça çıxaraq 1 qol və 8 məhsuldar ötürmə ilə diqqət çəkmişdi.
