1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Ukraynanın zərbə dronları Rusiyanın Orenburq vilayətində, Ukrayna ilə sərhədin 1400 kilometrliyində yerləşən "Orsknefteorqsintez" neft emalı zavoduna hücum edib.
Oxu.Az xəbər verir ki, bu barədə məlumatı "RBK Ukrayna" yayıb.
Bildirilir ki, Orsk təyyarə tipli zərbə dronlarının hücumuna məruz qalıb. İlkin məlumata görə, ən azından iki dron şəhərə düşüb və həyəcan siqnalı eşidilib.
Şəbəkədə yerləşdirilmiş kadrlarda tüstünün qalxdığı görünür və partlayış səsləri eşidilir. Zavodda təxliyənin başlamasına dair məlumatlar var.
Qeyd edək ki, sözügedən zavod ildə təqribən 6.6 milyon ton neft emal edir, habelə benzin, dizel yanacağı, aviasiya kerosini, mazut, bitum və müxtəlif növ yağlar istehsal edir.
