BAKI, 3 oktyabr. TELEQRAF
FİFA 2026-cı ildə keçiriləcək dünya çempionatının topunu təqdim edib.
Teleqraf xəbər verir ki, top adidas şirkəti tərəfindən hazırlanıb və TRIONDA adını alıb.
Parlaq dizaynı qırmızı-yaşıl-mavi rəng çalarlarında işlənib ki, bu da çempionatın üç ev sahibi ölkəsinə — Kanadaya, Meksikaya və ABŞ-a ehtiram əlamətidir.
TRIONDA ispanca “üç dalğa” mənasını verir və digər unikal, innovativ dizayn elementləri ilə birlikdə ilk dəfə üç ev sahibi ölkənin — Kanada, Meksika və ABŞ-nın futbol üzrə dünya çempionatını birgə keçirməsini simvolizə edir.
