Xalqcebhesi portalından verilən məlumata görə, ain.az xəbər yayır.
Türkiyənin xarici işlər naziri Hakan Fidan oktyabrın 2-də BƏƏ-yə səfəri zamanı ABŞ prezidenti Donald Trampın Qəzza zolağında vəziyyətin nizamlanması planını müzakirə edəcək.
Xalqcebhesi.az xəbər verir ki, bu barədə TASS-a nazirin səfəri öncəsi Türkiyə Xarici İşlər Nazirliyindəki mənbə bildirib.
"Xarici işlər naziri Hakan Fidan 2025-ci il oktyabrın 2-də Birləşmiş Ərəb Əmirliklərinə səfər edəcək. Onun Türkiyənin BƏƏ ilə çoxşaxəli əməkdaşlığı daha da inkişaf etdirmək istəyini ifadə edəcəyi gözlənilir. Nazir ABŞ prezidenti Trampın sentyabrın 29-da açıqladığı plan da daxil olmaqla, atəşkəsə nail olmaq və Qəzza zolağında sülhün bərqərar olması səylərini müzakirə edəcək", - mənbə bildirib.
Bundan əlavə, Fidan BƏƏ-də təmaslar zamanı Suriya məsələsini gündəmə gətirmək niyyətindədir. Mənbənin sözlərinə görə, nazir “həmin ölkənin sabitliyini və inkişafını təmin etmək üçün Suriya hökumətinə dəstəyin vacibliyini qeyd edəcək”.
Məryəm Quliyeva
Ən son xəbərləri və yenilikləri almaq üçün ain.az saytını izləyin.
