Bakı, 1 oktyabr, AZƏRTAC
Polşa Seyminə (parlament) müdafiə xərclərinin rekord həddə çatmasını nəzərdə tutan 2026-cı il üçün dövlət büdcəsi layihəsi təqdim edilib.
AZƏRTAC xəbər verir ki, hökumət bundan əvvəl büdcə layihəsini təsdiqləyib. Dövlət büdcəsinin xərcləri 74,5 milyard dollar kəsirlə 250 milyard dollardan çox olacaq. Xüsusən, büdcə layihəsində ÜDM-in 4,81 faizinə bərabər olan 54,9 milyard dollardan çox rekord məbləğdə müdafiə xərcləri nəzərdə tutulur.
Polşanın hərbi xərclərinin 51,2 milyard dollara çatacağı planlaşdırılır ki, bu da ölkənin ÜDM-nin 4,7 faizini təşkil edir.
