Zəngəzur dəhlizinin istifadəyə verilməsi Orta Dəhliz üzrə tranzit həcmləri daha da artıracaq.
“APA-Economics” xəbər verir ki, bunu II Bakı İqlim Fəaliyyəti Həftəsinin (BİFH) açılış günündə iqtisadiyyat nazirinin müavini Səməd Bəşirli deyib.
O bildirib ki, enerji siyasəti Azərbaycanın inkişafının və beynəlxalq nüfuzunun mərkəzində qalır. Ölkəmiz həm ənənəvi resurslarda, həm də bərpa olunan enerji sahəsində etibarlı tərəfdaşdır.
Səməd Bəşirli sözlərinə görə, genişmiqyaslı günəş və külək layihələri, eləcə də Qarabağ və Şərqi Zəngəzurda yaradılan yaşıl enerji zonası Azərbaycanın qlobal enerji keçidində fəal iştirakını təmin edir.
