Donald Trampın ən yaxın müttəfiqlərindən biri olan Ağ Ev Aparat rəhbərinin müavini Teylor Budoviç ABŞ prezident administrasiyasını tərk edir. Bu, onun ikinci müddətinin ən səs-küylü gedişini göstərir. Bu barədə “Axios” nəşri məlumat yayıb. Budoviç Trampın ən yaxın müttəfiqlərindən biri və onun kommunikasiya strategiyasının memarı hesab olunur.
Məhz Taylor Budoviç Trmpın media tərəfindən seçilən və seçici bazasını gücləndirən əsas danışıq nöqtələrinin yaradılmasına və yayılmasına kömək etdi. Onun üslubu – sadə, emosional və tez-tez təxribat xarakterli mesajlar – Trampın öz ritorikasına uyğun gəlirdi.
Trampın kommunikasiya üzrə ən yaxşı məsləhətçilərindən biri kimi Budoviç media ilə sabit ünsiyyəti təmin edib, informasiya kampaniyalarını əlaqələndirib və Trampın “Amerikanı yenidən möhtəşəm edən lider” imicinin formalaşmasına kömək edib. Məlumdur ki, məmur vəzifəsindən yeni işə gedir, hələlik təfərrüatları açıqlanmır.
Xatırladaq ki, Trampın ilk prezidentlik müddəti 2021-ci ildə başa çatdıqdan sonra Budoviç onun səlahiyyətlərini icra edən sözçüsü vəzifəsində çalışıb və daha sonra Trampa bağlı siyasi fəaliyyət komitəsi MAGA Inc-ə rəhbərlik edib. 2024-cü ildə o, prezidentlik kampaniyası zamanı yenidən komandaya qoşulub və Trampın qələbəsindən sonra yenidən Ağ Evdə yüksək vəzifəyə yiyələnib.
Əziz Mustafa
