BAKI, 24 sentyabr. TELEQRAF
ABŞ prezidenti Donald Tramp Ukrayna Silahlı Qüvvələrinin (UAF) Rusiyaya yeni hücum planı barədə məlumatlandırılıb.
Teleqraf xəbər verir ki, bu barədə "Wall Street Journal" (WSJ) öz mənbələrinə istinadən xəbər yayıb.
"Tramp ABŞ-dan kəşfiyyat dəstəyi tələb edəcək “planlı hücum” barədə məlumatlandırılıb" - məlumatda qeyd olunur.
Bir gün əvvəl Nyu-Yorkda BMT Baş Assambleyası çərçivəsində Ukrayna prezidenti Vladimir Zelenski ilə görüşündə Tramp bəyan etmişdi ki, Ukrayna münaqişəsi uzun müddət davam edə bilər. Amerika lideri həmçinin qeyd edib ki, Ukrayna Avropa İttifaqının dəstəyi ilə ərazilərini geri ala biləcək.
