Ukrayna prezidenti Volodimir Zelenski Çini Rusiyanın Ukraynaya qarşı müharibəsini dayandırmaqda hərəkətsizlikdə ittiham edib.
Busaat.az xəbər verir ki, o, bu barədə BMT Təhlükəsizlik Şurasının iclasında bildirib.
“Əgər Çin həqiqətən də bu müharibənin bitməsini istəsəydi, Moskvanı işğalı dayandırmağa məcbur edə bilərdi. Çin olmasa, Putinin Rusiyası heç bir şey deyil. Lakin Çin sülh naminə hərəkət etmək əvəzinə susur və kənarda qalır”, – Zelenski deyib.
Ukrayna lideri onu da qeyd edib ki, ABŞ Moskvaya təsir etmək iqtidarında olan başqa bir ölkədir: “Moskva Amerikadan qorxur və həmişə ona diqqət yetirir”.
O, həmin gün ABŞ prezidenti Donald Trampla görüşdüyünü xatırladıb. Zelenskinin sözlərinə görə, Kiyev Amerikanın atəşkəs və danışıqlarla bağlı bütün təkliflərini dəstəkləyib, lakin Rusiya həmişə yox deyirdi və ya hamını çaşdırmağa çalışırdı ki, hətta atəşkəs belə olmasın.
Ukrayna prezidenti bildirib ki, Vladimir Putin birbaşa danışıqlardan yayınır: “Bu adam Ukrayna və dünya ilə üz-üzə oturmaqdan qorxur və açıq şəkildə etiraf edir ki, o, ancaq müharibə istəyir”.
O, əlavə edib ki, Rusiyanın BMT Təhlükəsizlik Şurasındakı nümayəndəsi əsl qərarlar verən şəxs deyil və Putinin özü xaricdə diplomatiya axtarırmış kimi davranaraq öldürmək üçün daha çox vaxt almaq üçün görünür.
Yeganə
