ain.az, Azertag portalına istinadən məlumat yayır.
Nyu-York, 24 sentyabr, AZƏRTAC
Nə Ümumdünya Səhiyyə Təşkilatı (ÜST), nə də mənsub olduğu Birləşmiş Millətlər Təşkilatı (BMT) mükəmməldir, lakin alternativ yoxdur.
AZƏRTAC-ın məlumatına görə, bunu ÜST-nin baş direktoru Tedros Adhanom Gebreyesus BMT Baş Assambleyasının 80-ci sessiyası çərçivəsində Nizami Gəncəvi Beynəlxalq Mərkəzinin təşkilatçılığı ilə keçirilən “Çoxtərəflilik yol ayrıcında: Çağırışlar və sülhə gedən yol” adlı yan tədbirdə çıxışı zamanı deyib.
O bildirib ki, bu qurumlar olmasa, dünya daha təhlükəli, parçalanmış bir yer olardı. “ÜST olmadan nələrin əskik olacağını düşünün. Virusların sərhədlərə “hörmət etmədiyi” bir dünyada epidemiyaları kim izləyəcək və qlobal reaksiyanı əlaqələndirəcək? COVID-19 pandemiyası zamanı şahidi olduğumuz peyvənd bərabərsizliyi ÜST-nin üzvü olduğu yaxın tərəfdaşlıq olmasaydı, daha pis olardı. Təkcə virusa görə deyil, xaos və bərabərsizlik səbəbindən milyonlarla artıq insan öləcəkdi”,- deyə baş direktor əlavə edib.
Məlahət Nəcəfova
AZƏRTAC-ın xüsusi müxbiri
Nyu-York
Sonrakı hadisələr barədə daha çox məlumat almaq üçün ain.az saytını izləyin.
