Papuaşvili qeyd edib ki, professor, doktor Kartozia həm Gürcüstanda, həm də Almaniyada alim və dövlət xadimi kimi yüksək qiymətləndirilir. Onun sözlərinə görə, Kartozia Almaniyada elmi fəaliyyətlə yanaşı, "Almaniya Zəhmət Ordeni" ilə də təltif olunub ki, bu da Tbilisinin həmin təyinatı nə qədər vacib saydığını göstərir.
"Professor, doktor Aleksandr Kartozianı Gürcüstanın Almaniyadakı səfiri vəzifəsinə təyin olunması münasibətilə səmimi qəlbdən təbrik edirəm. Onun həm Gürcüstanda, həm də Almaniyada yüksək nüfuz sahibi olması, orada elmi fəaliyyəti ilə yanaşı dövlət tərəfindən mükafatlandırılması bu təyinatın əhəmiyyətini açıq şəkildə göstərir. Əslində, doktor Kartozia rəsmi təyinata qədər də Gürcüstanın Almaniyadakı səfiri kimi tanınırdı", - deyə Papuaşvili bildirib.
Parlament sədri vurğulayıb ki, Kartozianın şəxsi və akademik təcrübəsi onun iki ölkə arasında "divar deyil, körpü" rolunu oynayacaq səfir olmasına imkan verir.
Eyni zamanda, Papuaşvili hazırda Gürcüstan və Almaniya münasibətlərinin "ifadəolunmaz dərəcədə aşağı səviyyədə" olduğunu qeyd edib və bu əlaqələrin 1990-cı illərdə əsası qoyulmuş qarşılıqlı hörmət, suverenlik və demokratik legitimlik prinsiplərinə əsaslanan dinamika və miqyasa qayıtmasının vacibliyini vurğulayıb.
