“Quba” basketbol komandasının baş məşqçisi Şəhriyar Əsgərov klubun mətbuat xidmətinə açıqlama verib.
90deqiqe.Az xəbər verir ki, mütəxəssis bildirib ki, sentyabrın 10-dan etibarən yeni mövsümə hazırlıq məşqlərinə start verilib və komanda, demək olar ki, tam heyətlə çalışır. Onun sözlərinə görə, oyunçular fiziki və taktiki planda hazırlaşırlar, qarşıdakı mövsümün ilk görüşü isə oktyabrın 2-də “Sərhədçi”yə qarşı keçiriləcək.
Ş.Əsgərov vurğulayıb ki, hazırda basketbolçuların fiziki hazırlığı qənaətbəxşdir və yoxlama oyunları ilə taktiki işlər də paralel şəkildə aparılır. Baş məşqçi Levan Qoqaladzenin komandada qalmasının vacibliyini xüsusi qeyd edib və hazırkı heyətə inamını ifadə edib.
Komandanın yeni mövsümdə əsas hədəfinin ilk “8-lik”də yer almaq olduğunu bildirən mütəxəssis, yerli azarkeşlərin də dəstəyinin önəmli olduğunu deyib. O, Qubada basketbolun inkişafına və uşaqların bu idman növünə marağının artırılmasına ehtiyac olduğunu vurğulayıb.
Baş məşqçi sonda azarkeşlərə səslənərək, komandanın ev oyunlarında dəstəyin vacibliyini diqqətə çatdırıb.
