“Oğlanlar yazırlar ki, yaxşı qız tapılmır, qızlar isə yazırlar ki, yaxşı oğlan tapılmır. Yaxşı qızlarımız da, oğlanlarımız da var. Maraqlıdır, axtarışlar harada gedir?”.
Ölkə.Az OLAY-a istinadən xəbər verir ki, bu sözləri “Xəbər ertəsi” verilişində aparıcı Aytən Səfərova deyib:
Aytən gənclərin ailə qura bilməməsindən danışıb:
“Bir çox oğlanlar ona görə qız tapa bilmirlər ki, anaları “burun büzürlər”, deyirlər, bunu bəyənirsən? Bizə gəlin bu olacaq? Belə deyə-deyə baxırsan ki, oğlan baba yaşına çatır. Ona görə seçim şansını övladın özünə vermək lazımdır. Bəzən baxırsan ki, elə bil gəlini bütün ailə üçün gətirirlər, bütün ailə qızla evlənir”.
