Kopenhagen hava limanında dron həyəcanı səbəbindən bütün uçuşlar bir müddət dayandırılıb. Uçuşlar gecə saatlarında yenidən açılıb.
Danimarkanın ən böyük hava limanı olan Kopenhagen Hava Limanı hava məkanında müşahidə olunan pilotsuz uçuş aparatlarına görə bir müddət bağlanıb.
Polis 2–3 böyük dronun aşkar edildiyini açıqlayıb.
Hava limanı bazar ertəsi axşamı əməliyyatlarını dayandırıb.
Hava limanının açıqlamasına görə, 31 reys yönləndirilib. Hadisədən 20 min sərnişin təsirlənib.
Polis qrupları dronların mənbəyini araşdırarkən, rəsmilər istintaq davam etdiyi üçün əlavə məlumat verməkdən yayınıblar.
Təhlükəli vəziyyət olmadığı bildirildikdən sonra uçuşlar bərpa olunub.
