“Regional proseslərə daha geniş aktorlar cəlb olunarsa, Ermənistan ərazisindən keçən yolların açılması ehtimalı artacaq. Bu halda “Tramp yolu” daha real layihəyə çevrilir və Moskva onu dayandırmaq iqtidarında deyil”.
Tribunainfo.az xəbər verir ki, bunu politoloq Armen Vardanyan deyib.
Onun sözlərinə görə, Moskvada artıq Ermənistana təzyiq etmək üçün istifadə etdiyi alətlər yoxdur. “Qarabağı itirdikdən sonra bu rıçaqlar zəifləyib və hazırda Rusiyanın bu layihəyə mane olmaq imkanları o qədər də böyük deyil”.
Vardanyan hesab edir ki, Tramp yolunun açılması təkcə Nikol Paşinyanın siyasi iradəsindən asılı deyil. “Yolların açılması həm də Azərbaycanla sazişləri nəzərdə tutur ki, onun əsasında Orta Asiyadan yük maşınları Azərbaycan ərazisindən, oradan isə Ermənistandan Naxçıvana, Türkiyəyə və Avropaya keçsin”.
Fərda Uğur
