Fransa prezidenti Emmanuel Makron Fələstin dövlətini tanıdığını bəyan edib.
Fransa və Səudiyyə Ərəbistanının Birləşmiş Millətlər Təşkilatı çərçivəsində təşkil etdiyi Fələstin Probleminə Həll Yolunun Tapılması və İki Dövlətli Həllin Tətbiqinə dair Yüksək Səviyyəli Beynəlxalq Konfransda çıxış edən Makron, “Qəzzada müharibəyə son qoymağın vaxtı çatıb” deyib.
Bu mövzuda Makron, “Bir şey dəqiqdir: biz daha gözləyə bilmərik” deyərək, Yaxın Şərqdə ədalətli və davamlı sülhün qurulmamasının beynəlxalq ictimaiyyətin “ortaq məsuliyyəti” olduğunu vurğulayıb.
Bu arada Makron, HƏMAS məhbuslarının "dərhal və qeyd-şərtsiz" azad edilməsi çağırışını təkrarlayaraq, "Qəzzada müharibənin davam etdirilməsinə daha heç nə haqq qazandıra bilməz. Əksinə, hər şey müharibənin indi, hətta daha tez bitməsini tələb edir. Fransanın Yaxın Şərqlə bağlı tarixi öhdəliyinə sadiq qalaraq, mən bu gün bəyan edirəm ki, Fransa Fələstin Dövlətini tanıyır. Fələstin xalqının qanuni hüquqlarının tanınması İsrailin hüquqlarını pozmayacaq" ifadəsini işlətmiş və bu tanınmanın İsrailin təhlükəsizliyinə də xidmət edəcəyini ifadə etmişdir.
Kanadanın baş naziri Mark Karni, Avstraliyanın baş naziri Entoni Albanese, Böyük Britaniyanın baş naziri Keir Starmer və Portuqaliyanın xarici işlər naziri Paulo Rangel Fələstin Dövlətini tanıdıqlarını elan ediblər.
