Maştağa qəsəbəsində gəlinini qətlə yetirməkdə təqsirləndirilən Ağanəbi Əliyevin cinayət işi üzrə məhkəmə baxışı başlayıb.
Ölkə.az xəbər verir ki, Bakı Ağır Cinayətlər Məhkəməsində hakim Vüqar Seyidovun sədrliyi ilə keçirilən prosesdə dövlət ittihamçısı ittiham aktını elan edib.
Ağanəbi Əliyev çəkiliş aparılmasına etiraz etsə də, prosesin ümumi görüntülərinin lentə alınmasına hakim bir neçə dəqiqə ərzində icazə verib.
Ağanəbi Əliyev ittiham üzrə özünü təqsirli bilib. Verilən suallara cavab olaraq bildirib ki, oğlu, gəlini və nəvələri ilə birlikdə yaşayıb. Onun sözlərinə görə, Dürdanə Əliyeva tez-tez uşaqları döyüb, nalayiq ifadələrlə ailə üzvlərini təhqir edib.
Mayın 7-də növbəti dəfə ünvanına söyüş söyəndə, o dözə bilməyib və məişətdə istifadə etdikləri bıçaqla qadına zərbələr endirib. Yerə yıxılıb, xırıldadığını görəndə, ölümünü tezləşdirmək məqsədi ilə boğazını kəsib. Heç kim hadisənin şahidi olmayıb.
Məhkəmə prosesi davam edəcək
Xatırladaq ki, həmin qətl bu il mayın 7-də baş verib. (lent.az)
