Macarıstan NATO-ya üzv bəzi ölkələrin Rusiya MiQ-31 qırıcılarının guya Estoniyanın hava məkanını pozması ilə bağlı açıqlamalarından narahatdır.
NOCOMMENT.az xəbər verir ki, bu barədə Macarıstanın xarici işlər və xarici iqtisadi əlaqələr naziri Peter Siyarto TASS-a bildirib.
“Bəli, biz tamamilə narahatıq. Çünki bu hadisələr münaqişənin daha da eskalasiyasına gətirib çıxara bilər. Başlanğıcdan – üç il yarım əvvəl – biz çox aydın şəkildə bildirdik ki, ən pis variant NATO ilə Rusiya arasında birbaşa qarşıdurmadır”, – deyə o qeyd edib.
Siyarto əlavə edib ki, NATO ilə Rusiya arasında birbaşa qarşıdurma yeni münaqişənin başlanması riskinə bərabərdir. Onun sözlərinə görə, Macarıstan hakimiyyəti belə bir inkişafın tərəfdarı deyil.
