Cebheinfo saytından alınan məlumata görə, ain.az bildirir.
Misirin ən varlı iş adamı hesab olunan milyarder Nassef Saviris biznesini genişmiqyaslı restrukturizasiya etməyi planlaşdırır. Bu proses çərçivəsində o, ABŞ-da infrastruktur layihələrinə 50 milyard dollara qədər investisiya yatırmağı nəzərdə tutur.
Musavat.com xəbər verir ki, bu barədə “Financial Times” qəzeti yazır.
Məlumata görə, yaxın günlərdə Savirisə məxsus kimya və gübrə istehsalı şirkəti “OCI Global” ilə ailəyə məxsus tikinti holdinqi “Orascom Construction” birləşdiriləcək. Yeni təşkilatın qeydiyyatı Əbu-Dabidə aparılacaq. Əsas diqqət isə ABŞ-da infrastruktur layihələrinə, xüsusilə də data-mərkəzlərin tikintisinə yönələcək.
Nassef Saviris bildirib:
“Biznesimizin növbəti inkişaf mərhələsinin əsas istiqaməti infrastruktur olacaq – ən böyük perspektivi məhz burada görürük”.
Gözlənilir ki, qarşıdakı onillikdə korporasiya həm öz kapitalını, həm də tərəfdaşların vəsaitlərini ABŞ infrastrukturuna yatıracaq.
FT qeyd edir ki, “Orascom” 2012-ci ildən ABŞ-da “Weitz” adlı törəmə şirkəti vasitəsilə fəaliyyət göstərir. “Weitz” bu illər ərzində bir sıra data-mərkəzlər, hava limanı terminalları və universitet yataqxanaları inşa edib.
Məlumata görə, təxminən 9 milyard dollarlıq sərvəti olan Nassef Saviris 1950-ci illərdə ailə şirkəti “Orascom”u quran Onsi Savirisin kiçik oğludur.
"Cebheinfo.az"
Problemlərinizi bizə yazın, şahidi olduğunuz hadisələri çəkib göndərin
Sonrakı hadisələr barədə daha çox məlumat almaq üçün ain.az saytını izləyin.
