Azərbaycan Respublikasının NATO yanında Nümayəndəliyinin rəhbəri Cəfər Hüseynzadə Böyük Britaniyanın NATO-dakı daimi nümayəndəsi Anqus Lapsley ilə görüşüb.
Redaktor.az xəbər verir ki, bu barədə Cəfər Hüseynzadə “X”də paylaşım edib.
Diplomat bildirib ki, Britaniya səfiri ilə Azərbaycan-NATO əməkdaşlığı ilə bağlı səmərəli müzakirələr aparıb:
“Sülh Naminə Tərəfdaşlıq (SNT) çərçivəsində tərəfdaşlıq, Azərbaycan-Böyük Britaniya ikitərəfli strateji tərəfdaşlığı, eyni zamanda, regionda baş verən son hadisələr və Azərbaycan-Ermənistan sülh prosesi ilə bağlı tarixi Vaşinqton görüşünün nəticələri barədə müzakirələr apardıq”.
