Ölkəmizdə inklüziv təhsilin təşviqi üçün dövlət tərəfindən mühüm addımlar atılır.
Bu barədə “Inclusıve Organızatıon Company”, “Bayraqdar” və “Sara Xatun Mədəni Maarifçilik” İctimai Birliklərinin, həmçinin “Ümidlə Gəl” xeyriyyə layihəsinin təşəbbüsü ilə Yeni Klinikada keçirilən “İnklüzivliyin Sirri 4” Forumunda Yeni Klinikanın direktoru Barat Yusubov deyib.
O, hazırda ölkə üzrə 67 ümumtəhsil müəssisəsində inklüziv təhsilin tətbiq olunduğunu, onlardan 41-nin Bakı-Abşeron ərazisində fəaliyyət göstərdiyini qeyd edərək, bu prosesin bölgələrdə də genişləndirilməsinin vacibliyini vurğulayıb.
