ABŞ prezidenti Donald Tramp BMT Baş Assambleyası çərçivəsində Nyu-Yorkda ərəb və müsəlman ölkələrinin liderləri ilə görüş təşkil etməyi planlaşdırır.
Musavat.com xəbər verir ki, bu barədə ərəb diplomatları məlumat veriblər.
Sammitin əsas mövzusu Qəzzada müharibənin dayandırılması və müharibədən sonrakı siyasi nizamlanma olacaq.
Görüşə Səudiyyə Ərəbistanı, Birləşmiş Ərəb Əmirlikləri, Qətər, Misir, İordaniya və Türkiyə liderləri dəvət olunub.
Müzakirə ediləcək əsas təkliflərdən biri isə bölgəyə İsrail ordusu əvəzinə ərəb sabitləşdirmə qüvvələrinin yerləşdirilməsi ideyasıdır.
