ABŞ-də qətlə yetirilən mühafizəkar siyasətçi Çarli Kirkin arvadı Erika Kirk ərini öldürməkdə şübhəli bilinən şəxsi bağışladığını açıqlayıb.
Qaziler.az-ın "Lenta.ru"ya istinadən xəbərinə görə, o, bu barədə Kirkin dəfn mərasimi zamanı məlumat verib.
"Mən onu bağışladım, çünki İsa Məsih bağışlayırdı. Çarli də belə hərəkət edərdi", - deyə o bildirib.
O qeyd edib ki, nifrətə nifrətlə cavab vermək olmaz.
Bundan sonra Kirkin dəfn mərasimində iştirak edənlər yerlərindən qalxaraq, Erikanı alqışlamağa başlayıblar.
Kirkin həyat yoldaşı, həmçinin xatırladıb ki, əri gəncləri mənasız həyatdan xilas etməyə çalışırdı.
