Hazırda 3714 dollar səviyyəsində ticarət olunan “sarı metal”ın qiyməti 3700 dollar həddinin üzərində möhkəmlənə bilsə, artım tendensiyası daha kəskin xarakter ala bilər.
Bu barədə Marja.az-a “İNVEST-AZ İnvestisiya Şirkəti” QSC-nin Tədris və Analiz Departamentindən bildirilib.
"Ötən həftənin çərşənbə günü 3707 dollara qədər yüksələn qızıl tarixi maksimum həddini yenilədi. FED sədri Cerom Pauelin ehtiyyatlı açıqlamaları nəticəsində dolların güclənməsi fonunda sonrakı günlərdə müəyyən geriləmə müşahidə edildi. Lakin, qiymətli metal həftəni 3685 dollar səviyyəsində tamamladı".
“İNVEST-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikasının Mərkəzi Bankı tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.
Xəbər verdiyimiz kimi, Bakı vaxtı ilə saat 10:44-də Comex birjasında dekabr ayı üçün qızıl fyuçerslərinin qiyməti 1,23% artaraq bir unsiya üçün 3753,4 ABŞ dollarına çatıb. Qızılın qiyməti 1 faizdən çox artıb. ABŞ Federal Ehtiyat Sistemi (FED) tərəfindən pul-kredit siyasətinin yumşaldılması fonunda qızıla tələbin artması davam edir.
