“Portu”nun sabiq yarımmüdafiəçisi Manişe portuqaliyalı mütəxəssis Joze Mourinyonun “Benfika”ya baş məşqçi təyin olunmasına münasibət bildirib.
90deqiqe.Az-ın məlumatına görə, o, Mourinyonun zəngin təcrübəsinin lissabonlular üçün böyük üstünlük olacağını vurğulayıb:
“Düşünürəm ki, Joze Mourinyo ‘Benfika’ya həm çempionatda, həm də avrokuboklarda kömək edəcək. O, çalışdığı bütün klublarda — ikisi istisna olmaqla — həm milli, həm də beynəlxalq titullar qazanıb. ‘Benfika’da da uğur qazanmaq şansı kifayət qədər yüksəkdir”,
Sabiq futbolçu həmçinin Portuqaliya çempionatındakı güclü rəqabətə diqqət çəkib: “Hazırda mübarizə ‘Benfika’, ‘Portu’ və ‘Sportinq’ arasında gedir. Məncə, ən yaxşı şanslar ‘Portu’nun tərəfindədir. Buna görə ‘Benfika’ ciddi rəqabətlə üz-üzə qalacaq”.
