Qaynarinfo portalından alınan məlumata görə, ain.az xəbər verir.
Qadın üçün saç düzümü özünəinamın vacib vasitələrindən biridir. Düzgün seçilmiş kəsim üslubu vurğulayır, görünüşə təravət verir və vizual olaraq yaşı bir neçə il azalda bilir.
Qaynarinfo "City Magazine" portalına istinadən xəbər verir ki, saç üzü formalaşdırır, xarakteri əks etdirir və çox vaxt ilk təəssüratı yaradır. Yanlış seçim isə yorğunluğu, qırışları ön plana çıxarıb, illəri əlavə edə bilər. Stilistlərin fikrincə, saç insanı gənc göstərməyin ən tez və asan üsullarındandır.
2025-ci ilin əsas yeddi saç düzümü bunlardır:
Bob
Çənə xəttinə qədər kəsilən klassik bob baxışı yuxarı qaldırır, üz cizgilərini yumşaldır, göz və dodaqları ön plana çıxarır. 2025-ci ilin italyan bob modeli isə yüngül qatlar və səliqəli forması ilə zəriflik qatır. Stilistlər işıltı üçün açıq çalarları, kontrast üçün isə tünd tonları məsləhət görür.
Qatlı bob
Orta uzunluqda saç üçün uyğun seçimdir. Yuxarıda qısa, aşağıda uzun qatlar həcm və hərəkət yaradır. Xüsusilə 40 yaşdan sonra nazik saç üçün idealdır. Bu kəsim yanaq sümüklərini vurğulayır, kvadrat formalı üzləri yumşaldır və 50+ yaşlı qadınlar üçün klassik sayılır.
Piksi
Qısa və cəsarətli piksi yanaq sümüklərini və gözləri ön plana çıxarır. Emmma Uotson kimi məşhurların seçimi olan bu kəsim üzə təravət verir. 60+ yaşlı qadınlara isə yumşaq dalğalı variantı tövsiyə olunur.
"Butterfly cut"
Uzun qatlar kəpənək qanadlarını xatırladır, saça həcmlilik və hərəkət qatır. Bu model nazik saçları daha sıx göstərir və incə üz xətlərindən diqqəti yayındırır.
Pərdə formasında çolka
Üzü yumşaq şəkildə çərçivələyən bu çolka alın və çənə xəttini qismən örtür, gənclik effekti yaradır. Əsas şərt sərt xətlər deyil, yüngül və axıcı formadır.
Sərbəst dalğalar
Çiyinlərə qədər enən yumşaq dalğalar saça canlılıq və həcmlilik qatır. Onlar sıx buruq kimi ağır görünmür, təbii və enerjili üslub yaradır.
Şeq
Qatlı və azacıq səliqəsiz görünən bu saç düzümü saçı qalın göstərir, təbii hərəkət qatır və baxım baxımından asandır.
Mütəxəssislər vurğulayır ki, bu saç modelləri yalnız forması ilə deyil, həm də saçın hərəkəti ilə gənclik effekti yaradır, üz cizgilərini ön plana çıxarır.
Aydın
Hadisənin gedişatını izləmək üçün ain.az saytında ən son yeniliklərə baxın.
