ain.az, Lent az portalına istinadən məlumatı açıqlayır.
Qaraciyərin yağlanması (piyli hepatoz) xüsusilə artıq çəkisi olan insanlar arasında olduqca geniş yayılmış problemdir və sağlamlıq üçün ciddi təhlükə ola bilər".
Lent.az xəbər verir ki, bunu Gazeta.ru-ya rusiyalı həkim-qastroenteroloq, dietoloq Natalya Panina deyib.
Paninanın sözlərinə görə, qaraciyərin yağlanması diaqnozu orqan hüceyrələrinin 5%-dən çoxu yağ toplayanda qoyulur. Bu xəstəliyin əsas təhlükəsi ondan ibarətdir ki, ürək-damar xəstəliklərinin ehtimalını artırır və sirroza gətirib çıxara bilər.
Piyli hepatozun inkişafının əsas risk amillərindən biri spirtli içkilərin müntəzəm qəbuludur.
"Kişilər üçün 40 q, qadınlar üçün isə 20 q etanoldan çoxunu müntəzəm qəbul etmək xəstəlik riskini artırmaq üçün kifayətdir", - deyə Panina izah edib.
Onun sözlərinə görə, doymuş yağların və transyağların artıqlığı qaraciyər üçün heç də az təhlükə təşkil etmir, onlar fast-fudda və yarımfabrikatlarda olurlar.
Qaraciyərin yağlanmasının inkişafının başqa bir risk amili fruktoza və sadə karbohidratların artıqlığıdır ki, bunlar əsasən şirəli içkilərdə müşahidə olunur.
Daha ətraflı məlumat və yeniliklər üçün ain.az saytını izləyin.
