Bizimyol saytından verilən məlumata əsasən, ain.az məlumatı açıqlayır.
ABŞ prezidenti Donald Tramp Rusiya rəhbəri Vladimir Putinin bağlı qapılar arxasında davranışına ictimaiyyətə nümayiş etdiriləndən daha çox qəzəblənib.
Bizimyol.info xəbər verir ki, bunu ABŞ prezidentinin xüsusi elçisi general Keyt Kelloq deyib.
"Tramp çox əsəbiləşib. O, Putinlə şəxsi münasibətlərinin nəticə verəcəyini düşünürdü. Bunun əvəzinə Putin onu aldadır. Prezident Tramp qapalı qapılar arxasında ictimaiyyət qarşısında olduğundan daha qəzəblidir”, - deyə Kelloq bildirib.
Bundan başqa, general Ukraynada müharibəni bitirmək yolu ilə bağlı Trampla razılaşmadığını etiraf edib. O, atəşkəsin tərəfdarı olduğunu etiraf edib.
“Problem ondadır ki, Putin qalib gəldiyinə inanır, ona görə də hələ sülhə razı olmayıb. Tramp ilk növbədə sülh danışıqlarına üstünlük verir. Mən ilk növbədə atəşkəsə üstünlük verirəm, çünki o, aradan qalxandan sonra münasibətləri bərpa etmək çətindir”, - deyə o əlavə edib.
Kelloq Rusiyanın böyük insan itkilərinə nə dərəcədə məhəl qoymadığına da diqqət çəkib: “Bu heyrətamizdir. Rusiya insan həyatı ilə maraqlanmır. İctimaiyyət də maraqlanmır. Dəhşətli olan da budur. Bu, 1942-1943-cü illərdə Stalinqradda 68 min insan itirmiş, gözünü belə qırpmayan xalqdır”, - deyə o əlavə edib.
Ukrayna mətbuatı xəbər verir ki, eyni müsahibədə Kelloq bəyan edib ki, Ukrayna Rusiyanın artıq Donbasın böyük hissəsini işğal etdiyi reallığı ilə barışmalı olacaq, lakin bu, Rusiyanın bu ərazilər üzərində suverenliyinin hüquqi cəhətdən tanınması demək deyil.
Kellog, həmçinin etiraf edib ki, Rusiya ilə ABŞ arasında dostluq münasibətlərinin bərpası mümkünsüzdür, çünki Vladimir Putin hələ sağdır və ölkəsini digər diktaturalarla ittifaqa aparır. Lakin bu gün Vaşinqtonun bu ittifaqın formalaşmasına qarşı mübarizə aparmaq üçün aydın bir planı yoxdur.
Qadir, Bizimyol.info
Daha ətraflı məlumat və yeniliklər üçün ain.az saytını izləyin.
