Avtomobil nəhəngi “Toyota” təxminən 600 000 avtomobili geri çağırıb.
Ölkə.Az xarici KİV-ə istinadla xəbər verir ki, buna səbəb cihaz klasterinin sürət və əyləc kimi mühüm məlumatları göstərməsinə mane olan proqram qüsurudur.
Qüsura görə, ABŞ-də olan 591 377 avtomobilin geri çağrıldığı bildirilir.
Qeyd olunur ki, problem əsasən “Toyota”nın “Venza”, “Highlander”, “Lexus”, “Tacoma” və “GR Corolla” modellərində aşkarlanıb.
Problem alətlər klasterindəki proqram xətası ilə əlaqələndirilir. Nəqliyyat vasitəsi işə salındıqda problem avtomobilin sürət, əyləc və təkər təzyiqi barədə xəbərdarlıq işıqlarını göstərməsinə mane olur. Bu, sürücülərin həyatını təhlükəyə atmasına səbəb ola bilər.
Billurə
