Ajans.az xəbər verir ki,bu barədə “Daily Mail” cütlüyün yaydığı birgə açıqlamaya istinadən məlumat verib. “Bir-birlərinə böyük hörmət və dərin qayğı hissi ilə Monika Belluççi və Tim Burton ayrılmaq qərarına gəliblər”, – deyə bəyanatda bildirilir. Belluççi və Burton bir neçə il davam edən münasibətlərini 2023-cü ildə rəsmi şəkildə təsdiqləmişdilər. Onlar ilk dəfə həmin ilin oktyabrında keçirilən 18-ci Roma Beynəlxalq Film Festivalında cəmiyyət qarşısında bir cütlük kimi çıxış ediblər. Qırmızı xalça üzərində əl-ələ və qucaqlaşaraq kamera qarşısında poz vermələri medianın diqqət mərkəzində olmuşdu. 2024-cü ildə isə Monika Belluççi, Tim Burtonun rejissoru olduğu və 1988-ci ilin kult filminin davamı kimi çəkilən “Beetlejuice” filminin yeni versiyasında rol alıb. Bu ekran işi onların peşəkar əməkdaşlıqda da birgə çalışdıqları nadir layihələrdən biri olub. Cütlüyün ayrılma səbəbi açıqlanmasa da, hər iki tərəf münasibətlərinə hörmət və ehtiramla yanaşdıqlarını bəyan edib.

 

• Hörmət
• Ayrılma
• Qərar
• Qayğı
• Tim Burton