Idman.biz portalından alınan məlumata görə, ain.az xəbər verir.
Joze Mourinyo "Fənərbaxça"ya keçmək qərarının səhv olduğunu etiraf edib.
İdman.biz bildirir ki, 62 yaşlı mütəxəssisin sözlərinə görə, Türkiyə klubu onun səviyyəsinə uyğun gəlməyib və o, indi yenidən elit komanda ilə işləyə biləcəyi üçün "Benfika"ya qayıtmaqdan xoşbəxtdir.
"Səhv seçim etdim. Peşman deyiləm, çünki peşmanlıqlar həyatda kömək etmir, amma nəyi düzgün və nəyi səhv etdiyimizin fərqindəyik. Mən "Fənərbaxça"ya keçməklə səhv etdim - onlar mənim mədəni səviyyəm deyildi, mənim futbol səviyyəm deyildi. Təbii ki, son günə qədər hər şeyimi verdim, amma "Benfika"da işləmək məni dünyanın ən yaxşı klubları sırasına qaytarır", - Mourinyo deyib.
“Çelsi”, “İnter”, “Real Madrid” və “Roma”nın keçmiş baş məşqçisi “Fənərbaxça”nın transfer siyasətini tənqid edərək, klubun heyətdə tarazlıq qura bilmədiyini qeyd edib. O, "Benfika"dakı vəziyyətin fərqli olduğunu vurğulayıb və klubun transfer bazarını idarə etmə keyfiyyətini yüksək qiymətləndirib.
Karyerasına 2000-ci ildə "Benfika"da başlayan Mourinyo "ABC" ilə liqa matçında yenidən komandaya rəhbərlik edəcək. Turnir cədvəlinin altıncı pilləsində qərarlaşan “qartallar” üçün bu, dövrümüzün ən titullu məşqçilərindən biri ilə mövsümə yenidən başlamaq şansı olacaq.
İdman.biz
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
