Turkstan.az saytından alınan məlumatlara görə, ain.az xəbər verir.
ABŞ prezidenti Donald Tramp ABŞ və Böyük Britaniya arasında imzalanan 250 milyard funt sterlinqlik investisiya sazişinin "bir razılaşmalar dalğası yaradacağını" vurğulayaraq, bunun Böyük Britaniya ilə dostluqlarını gücləndirəcəyini bildirib.Turkustan.az xəbər verir ki, ABŞ prezidenti Tramp və Böyük Britaniyanın baş naziri Keir Starmer Eylsberidə baş nazirin Çekers ofisində təşkil edilən ziyafətdə biznes nümayəndələri qarşısında çıxış ediblər.ABŞ və Böyük Britaniya arasındakı "qiymətsiz" əlaqələrin indi həmişəkindən daha sıx olduğunu bildirən Tramp: "Biz hər iki ölkə üçün maliyyə baxımından böyük işlər görmüşük, birlikdə işləyirik və bu, bizi bir yerdə saxlayır. Bu gün nə etdiyimizdən asılı olmayaraq, məncə, aramızdakı bağ qırılmazdır"-deyə, əlavə edib.Böyük Britaniyanın bu il ABŞ ilə ticarət müqaviləsi imzalayan ilk ölkə olduğunu xatırladan Tramp, bu müqavilənin ABŞ fermerlərinə məhsullarını İngiltərədə satmaq imkanı yaradacağını və ticarət maneələrini azaldacağını vurğulayıb.
Aytən Yaşar/ Turkustan.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
