Bu gün Düşənbə Beynəlxalq Turizm Sərgisi - 2025 (DITE-2025) rəsmi olaraq açılıb. Düşənbə Şəhər İcra Hakimiyyətinin təşəbbüsü, Tacikistan Respublikası Hökuməti yanında Turizmin İnkişafı Komitəsinin dəstəyi, “Somon Travel” və onun inkişaf tərəfdaşları tərəfindən təşkil olunan sərgi sentyabrın 20-dək davam edəcək.
Hafta.az-ın yazdığına görə, açılış mərasimində dövlət qurumlarının, beynəlxalq təşkilatların, turizm şirkətlərinin, 200-dən çox yerli və beynəlxalq turizm şirkətinin nümayəndələri iştirak ediblər. İştirakçılar arasında turoperatorlar, otel kompleksləri, aviaşirkətlər, səhiyyə və tibb müəssisələri, mədəniyyət və əyləncə mərkəzləri, suvenir istehsalçıları var.
Açılış çıxışı edən Düşənbə merinin müavini Dilbar Odilzoda DITE 2025-in turizm sənayesinin inkişafı, Tacikistanın təbii, mədəni və tarixi potensialının nümayişinə töhfə verən, beynəlxalq əməkdaşlığın gücləndirilməsi, investisiyaların cəlb edilməsi baxımından mühüm hadisə olduğunu vurğulayıb.
Tacikistan Hökuməti yanında Turizmin İnkişafı Komitəsinin sədri Camşed Cumaxonzoda, Monteneqronun turizm naziri və BMT-nin Avropa üzrə Turizm Komissiyasının sədri Simonida Kordiç, Tacikistan Ticarət və Sənaye Palatası sədrinin birinci müavini Nasim Ənvarov və Somon Air-in direktoru Abdulkosim Vəliyev də sərginin əhəmiyyəti ilə bağlı fikirlərini və qiymətləndirmələrini bölüşüblər.
Çıxışlarda DITE 2025-in işgüzar qarşılıqlı əlaqə, beynəlxalq təcrübənin öyrənilməsi və Tacikistanın turizm sənayesinin qlobal miqyasda tanıdılması üçün unikal platforma yaratdığını vurğulanıb.
Təşkilatçıların sözlərinə görə, budəfəki sərgidə 200-dən çox şirkət iştirak edir ki, onlardan 65-i beynəlxalqdır. Onların arasında Almaniya, Böyük Britaniya, Rusiya, Türkiyə, Birləşmiş Ərəb Əmirlikləri, Səudiyyə Ərəbistanı, ABŞ, İran, Pakistan, Bəhreyn, Özbəkistan, Qırğızıstan, Qazaxıstan, Türkmənistan, Yəmən, Suriya və Mərakeşdən olan nümayəndələr var.
DITE-2025-də B2B işgüzar görüşlər, yeni əməkdaşlıq müqavilələrinin imzalanması, turizm sahəsində investisiya layihələrinin təqdimatı keçiriləcək. Bu, strateji tərəfdaşlıq əlaqələrinin qurulmasına, şəhərlər arasında qardaşlaşmış şəhərlərin əlaqələrinin gücləndirilməsinə, regional turizm bazarının genişləndirilməsinə və göstərilən xidmətlərin keyfiyyətinin yüksəldilməsinə kömək edəcək.
Sərginin əsas məqsədləri turizm sənayesinin inkişafına təkan vermək, xarici turistlərin və birbaşa investisiyaların cəlb edilməsi, birgə layihələrin həyata keçirilməsi, yeni turizm strategiyalarının hazırlanmasıdır. Sərgi həmçinin ölkənin zəngin təbii və sağlamlıq potensialını, mədəni irsini, turizm infrastrukturunda əldə etdiyi nailiyyətləri nümayiş etdirmək imkanı verir.
Xatırladaq ki, Düşənbədə ilk Beynəlxalq Turizm Sərgisi 2024-cü ilin sentyabrında Düşənbə şəhərinin meri Rüstəmi Emomalinin təşəbbüsü ilə keçirilib. 16 ölkədən 20 xarici və 90 yerli təşkilat iştirak edib.
