"Eurovision 2024" beynəlxalq mahnı müsabiqəsində Fransanı təmsil edən müğənni Slimane cinsi təcavüzdə təqsirli bilinib...
Poliqon xəbər verir ki, ötən il sənətçinin texniki komandasının keçmiş üzvü Sent-Etyen prokurorluğuna şikayət edib. Onun sözlərinə görə, o, 2023-cü ildə konsertlərin birindən sonra müğənni tərəfindən cinsi təcavüzün qurbanı olub.
Sonra Slimane turun ilk mərhələsinin bitməsini qeyd etmək üçün ziyafət verdi və texniki işçini qeyd etməyə dəvət edib. İddialara görə, həmin vaxt ifaçı onu divara itələyərək "cinsi əlaqəyə məcbur edib" və onu soyunub-geyinmə otağına sürükləyib.
Bu iş üzrə istintaq uzun müddət davam etdi və yalnız bu yaxınlarda Fransa məhkəməsi hökm çıxarıb. "Leparisien"in məlumatına görə, Slimane cinsi əlaqədə israr etməkdə və seksual xarakterli mesajlar göndərməkdə təqsirli bilinib. İndi iş bağlanıb və müğənni 10 min avro cərimələnib.
Yeri gəlmişkən, Slimane ötən il Eurovision Mahnı Müsabiqəsində Fransanı "Mon Amour" lirik mahnısı ilə təmsil etmişdi. Müğənni 4-cü yeri tutaraq 445 bal toplayıb.
Poliqon.info
