Cənubi Koreya rəsmiləri və kəşfiyyat mənbələrinə əsaslanan hesabatda bildirilir ki, Rusiya Pxenyana nüvə sualtı qayıqlarının istehsalı üçün lazım olan nüvə reaktorları və digər əsas komponentləri verib.
News24.az xəbər verir ki, Müdafiə Kəşfiyyat İdarəsinin (DİA) əldə etdiyi məlumatlara görə, Moskva bu ilin ilk yarısında Pxenyana reaktorlar, turbinlər və soyutma sistemləri kimi nüvə hərəkət qurğusu komponentlərinin ötürülməsini həyata keçirib.
Hesabatda anonim hökumət rəsmisinin qiymətləndirməsinə istinadən vurğulanır ki, Şimali Koreya uzun müddət nüvə sualtı qayıq texnologiyası və qabaqcıl döyüş təyyarələri tələb edir və bu tələblərin son vaxtlar Rusiyadan təmin olunduğu görünür.
DİA-nın məlumatına əsasən, Cənubi Koreyanın əldə etdiyi kəşfiyyat məlumatları ABŞ və müttəfiq ölkələrlə paylaşılıb və Seoul bu iddianı təsdiqləmək üçün əlavə araşdırmalar aparır.
Hesabatda Şimali Koreyanın 2023-cü ildə nüvə raketlərini daşıya bilən sualtı qayığın istehsalını başa çatdırdığını açıqlanıb. Ekspertlər isə həmin sualtı qayığın nüvə enerjisi ilə işlədiyi iddiasını hələ sübut olunmamış hesab edirlər.
Aqil
