Suriya, İordaniya və ABŞ druz əhalisinin sıx məskunlaşdığı Süveyda üçün ortaq yol xəritəsini müəyyənləşdirib.
"Cebheinfo.az" xəbər verir ki, Suriya hökumətinin müvəqqəti Xarici İşlər Naziri Əsəd Həsən Şeybani İordaniyanın Xarici İşlər Naziri Eymən əs-Safedi və ABŞ-nin Ankaradakı səfiri, Suriya üzrə xüsusi nümayəndəsi Tom Barrak sentyabrın 16-da paytaxt Şamda yerləşən Tişrin Sarayında görüşdülər. Görüşdən sonra keçirilən mətbuat konfransında Süveyda hadisələri ilə bağlı ortaq yol xəritəsi üzərində razılıq əldə olunduğu bildirilib.
