Dövlət meşə fondu ərazisinə aid edilmiş yaşıllıqların mühafizəsini Azərbaycan Respublikasının Meşə Məcəlləsinin 27-ci maddəsinə əsasən Azərbaycan Respublikasının müvafiq icra hakimiyyəti orqanı (ETSN) həyata keçirir.
Xüsusi mühafizə olunan təbiət ərazilərində yerləşən meşələr, xüsusi mühafizə olunan təbiət əraziləri və obyektləri üçün xüsusi mühafizənin hüquqi rejimi, yaxud təsərrüfat fəaliyyətinin tənzimlənən rejimi tətbiq edilməklə Azərbaycan Respublikasının müvafiq icra hakimiyyəti orqanı (ETSN) tərəfindən icra edilir.
Ümumi istifadədə olan yaşıllıqlar (park, meşə-park, bağ, bağça, bulvar ərazisində olan və digər yaşıllıqlar) mərkəzi və yerli icra hakimiyyətləri və ya ixtisaslaşmış hüquqi şəxslər tərəfindən mühafizə olunur.
Bələdiyyə mülkiyyətində olan torpaqlardakı yaşıllıqların mühafizəsi “Yaşıllıqların mühafizəsi haqqında” Azərbaycan Respublikası Qanununun 8-ci maddəsinə əsasən bələdiyyələr tərəfindən həyata keçirilir.
