Naxçıvan şəhərində azyaşlı uşaq ehtiyatsızlıqdan eyvandan yıxılıb.
Moderator.az Oxu.Az-a istinadən xəbər verir ki, hadisə Naxçıvan şəhəri, 3-cü mikrorayon ərazisindəki yaşayış binasında baş verib.
Beşmərtəbəli binanın üçüncü mərtəbəsindəki mənzillərdən birində yaşayan 2020-ci il təvəllüdlü Xədicə Heydər qızı Rzayeva evin eyvanında oynayarkən ehtiyatsızlıqdan yerə yıxılıb.
Azyaşlı qız xəstəxananın reanimasiya şöbəsinə yerləşdirilib və hazırda vəziyyətinin ağır olduğu bildirilir.
Faktla bağlı araşdırma aparılır.
