Ajans.az İran KİV-lərinə istinadən xəbər verir ki, hadisə nəticəsində 6 nəfər ölüb. Məlumata görə, partlayış barədə sakinlər tərəfindən təcili yardım xidmətinə məlumat verilib, bundan sonra yanğınsöndürənlər və xilasedicilər dərhal hadisə yerinə yola düşüb. Yerli hakimiyyət orqanlarının məlumatına görə, partlayış o qədər güclü olub ki, dörd mənzilli bina tamamilə dağılıb. İlkin araşdırmalara görə, partlayışa qaz sızması səbəb ola bilər.
