"Azərbaycanda yükdaşımalarda ciddi artımlar müşahidə olunur. Bu sahədə artımların olması vəziyyətində yeni qanunun hazırlanması məqsədəuyğun hesab edilib".
"Unikal" xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında rəqəmsal inkişaf və nəqliyyat nazirinin müavini Rəhman Hümmətov “Nəqliyyat-ekspedisiya fəaliyyəti haqqında” yeni qanun layihəsinin müzakirəsi zaman deyib.
“Bu qanun layihəsi beynəlxalq təcrübəni nəzərə alaraq hazırlanıb. Qanun layihəsinin məqsədi bu sahədə olan boşluqların tamamilə aradan qaldırılması, daha yüksək keyfiyyətli xidmətin göstərilməsi məqsədi daşıyır”, - deyə nazir müavini bildirib.
Anar Kəlbiyev
