Yaponiya hökuməti Fələstin dövlətini tanıma qərarını təxirə salacaq, çünki bu addım Fələstindəki vəziyyətə və Yaponiya-ABŞ münasibətlərinə mənfi təsir göstərə bilər, “Asahi” qəzeti yazır. Qeyd edək ki, daha əvvəl ABŞ hökuməti Asiya və Avropa ölkələrini Fələstin dövlətçiliyini tanımamağa çağırıb.
Mənbələrin sözlərinə görə, Yaponiyanın Baş naziri Şigeru İsiba 22 sentyabrda BMT Baş Assambleyası çərçivəsində keçiriləcək Fələstin məsələsinə dair beynəlxalq konfransda iştirak etməyəcək.
Hazırda Fələstin dövlətini 147 ölkə tanıyır. Bir sıra ölkələr, o cümlədən Avropa dövlətləri, bu siyahıya 2024–2025-ci illərdə qoşulub. Bu, ötən il ABŞ-nin Fələstinin BMT-də tamhüquqlu üzvlüyünə veto qoyması fonunda baş verib.
